Obwoi i net bsundas baenaund bi mit de biblischn Sprochna
(hebräisch und griechisch), intaressiert mi do des Büachi, wos aegentli
a Saummlung vo an Haufm Schriftn is. A duach a Studienraise
ins Heuliche Laund 1985 bin i nu mea aum Gschmock gkemma.
A unhaemliche Fraed hob i aun ana zwabändign daetschn
Büwiausgob ausn Joahr 1781 (wias das links obüdlt siachst), de hot
a Bekaunnta vo maen Votan in Nordböhmen auf an Dochbodn gfundn und hot
s', stott dass as' wegagschmissn hätt, mia übalossn.
Host übrigns gwusst, dass maunche Wissenschoftla
{wia zan Baespü: Warnecke, Heinz: Die tatsächliche Romfahrt des
Apostel Paulus / Heinz Warnecke. - 2. Aufl. - Stuttgart: Verl. Kath. Bibelwerk,
1989 (Stuttgarter Bibelstudien; 127)} aunimmt, dass
da Paulus, wia s'n ois Gfaunganan noch Rom gschleppt hättn {Apg 27,1-28,11})
net voa Malta gstraundt is, sondan znachst da Stodt Argostoli
vua ana Halbinsel gnamt Melite auf da Insl Kefallenia, wos unta aundan
zwegns zoologische, botanische, geologische, meteorologische sowie nautische
Gegebmhaetn zua Zaet vo dera Foaht nähaliegt ois oiss Aundere, wos ma
bishea gmoant hot - A so wos lest si hoit gaunz spaunnend, waunn ma aum
Sögin
und bsundas aun da Navigation intaressiat is.