Jordanien, Petra, Khazne Faraun
"Schotzhaus vom Farao"
(9. Februar 1998)
Olympus AZ-230, Füm: Fuji 100 ASA negativ, Belichtung: automatisch
Petra is ungefae in da höfte zwischn nan Totn Mea
und in Goif vo Akaba. Iba Wadi Musa, wo da Moses mit saen Steckan Wossa
aus'm Fösn gschlogn haum soi, kimmst in den Toikessl vo Petra. De Nabatea,
a umanaundaziagata Arabastaumm, haum si do im 7. Jhd. v. Chr bae de scho do
wohnatn Edomita (Vawaundte vo de Israelitn) nidalossn. De staölan Berg
und eana hervorrogende Wossavasoagung waon eana besta Schutz. Im 2. Jhd. v.
Chr. woa Petra beraets iba 10 km² gross. Kamö, Ziagn, Schof und
Pferd san zicht wuarn, auf Tearrassn san Waen, Olivn und Troat aubaut woan.
Doch da uneamessliche Raechtum vo de Nabatea erkleat si mea duach eana Monopol
iba de Haundlsruutn, auf denan Waehrauch, Myrrhe, Gewiaze, Pfeffa oda Öfnboan
zwischn Ägyptn, Arabien, Indien und China (Saedenstrossn) transpoatiart
woan san. De Nabatea, de söm zeascht Raeba gwehn san, haum de Karawanen
voa Aungriffe g'schützt, wofias natualich an botzn göd gnumma haum.
Zimli weng is iba eana Religion bekaunnt, obwoi ma in Petra
vü Opfagstettn fia Vicha gfundn hot. Dushara deafat ana vo de Hauptgötta
gewesn sae; er is speta mit'n Dionysos vaschmoizn. In da Römazaet und
wia d' Christn mea woan san hot Petra saen Aenfluss valoan. Drau ho a nix
g'endat, dass's oiwaö mit de Grosskopfatn packlt haum - wos ma a Lobbyismus
nenna kunnt. Obwoi da Karawanenstoot in 13. / 14. Jhd. nu amoi kuazois Umschlogplotz
und Mautstö goitn hat, is iagendwaun gros driba gwoxn (oba nua spichweatli
- waö gros woxt doat fost koans). Blibm is a Stodt in Fösn, iba
de 's nix Aufgschribns gibt; Und Petra gibt haet mehra hoate Niss fia d' Archeologn
auf ois dass Frogn beauntwoatat.